نشر در آسمایی : 10.2014.02
عبدالرحمان پژواک
*
"لکه ونه مستقیم پخپل مکان یم
که خزان راباندی راشی که بهار"
رحمان بابا
*
توپیر مه کوی د بلخ او کندهار
چه اوچت شی بیا ستوری د سهار
صبوحی د پاره ځان کړه ته تیار
په مستی کښی د ژوندون نه ویره مکړه
مستی نه وژنی تا وژنی دی خمار
د دنیا واړه ګټل همه بایلل دی
چه ځان بایلی تا وړی دی قمار
ستا د ناوي پوزه پری دی ای ساروانه
د سالار نتکی که ستا شی یو مهار
کوکار مه کوه جابر نه چه مختار دی
چه دی ومنل د جبر اختیار
تر هغه چه می د خلکو نظاری کړی
له دی خوبه چه تل یم په کښی بیدار
وخت د دی چه سپاره شی ځلیمان
آس کبود دی یا سرخون یا دی کهار
په هرات کښی زیږیدلی احمدشاه
بابا نه وو د یوازی کندهار
احمدشاه په ځنکندن کښی دا ویل
توپیر مه کوی د بلخ او کندهار
د آمو تر اټکه افغانان دی
که بدخش وی، هزاره، بلوڅ، تتار
د هغه نه مخکښی دور د غلجیان وو
د میرویس د هوتکیو سر تبار
زه پژواک یم په سکوت کښی پروت آرام
تر هغه چه د تندر شی شرنګهار