|
افغانستان کې د لارو کوڅو ځورونې پر ضد د نړیوال کمپاین اوونۍ سره یوځای شئ!
ګرانو دوستانو، د دغې لیکنې له لارې نن غواړم تاسو ته بلنه درکړم چې خپل غږونه او کیسې وکاروئ او سږکال د لارو کوڅو ځورونې پر ضد د نړیوال کمپاین اوونۍ په جریان کې د ۲۰۱۶ کال د اپریل له ۱۰مې تر ۱۶مې د «رابعې له لوڼو» سره یوځای شئ. موږ ټول پوهېږو چې زموږ د هېواد په لارو کوڅو کې ځورونه د ښځو او نجونو لپاره یوه ستره ستونزه ده. دا نه یوازې د بشري حقونو سرغړاوی دی بلکې ډېر دندو ته له تلو او په عامه ځایونو کې پرته له اندېښنې د پاتې کېدو څخه منع کوي. افغانې ښځې او نجونې تر دې د ښه حالت مستحقې دي او زموږ پلرونه، ورونه او ملګري تر دې د ښه رویې وړتیا لري. افغانستان کې، لارو کوڅو کې ځورونه ډېره خپره شوې او ډېر ځله خطرناکه بڼه خپلوي، خو دا یوازې زموږ د هېواد ستونزه نه ده. له نیویارکه نیولې تر قاهرې، له کابله تر میلبورنه، هر ځای کې ښځې او نجونې هره ورځ سپکېږي، ځورول کېږي او له فزیکي، جنسي او ژبني بریدونو سره مخامخېږي. موږ، د بشري نسل په توګه، تر دې غوره ګامونه پورته کولی شو او باید پورته یې کړو! او همدا لامل دی چې ما له تاسو سره اړیکه نیولې چې وکولئ شئ له یوه نړیوال کمپاین سره یوځای شئ. او له دې کمپاین سره یوځای کېدل ډېر اسانه دی.
تاسو یوازې باید خپل یو عکس یا د خپل لاس عکس (موږ له امنیتي ستونزو خبر یو) – په داسې حال کې چې یو کاغذ مو په لاس کې نیولی وي چې په کې یوه ځورونکي ته ستاسو پیغام لیکلی وي، دې ایمیل یا فیس بوک او تویتر صفحی ته د ۲۰۱۶ کال د مارچ تر ۱۵مې ولېږئ: www.facebook.com/freewomenwriters www.twitter.com/freewomenwriter پر کاغذ کولی شئ د افغانستان په هره ژبه یا انګلیسي ژبه ولیکئ. موږ به ټول انځورونه د خپلو ټولنیزو رسنیو پر ګڼو پاڼو، د خپلو ملګرو ادارو پر پاڼو او پر هغو وېبپاڼو چې موږ ورسره په افغانستان کې همکاري لرو، شریک کړو، تر څو د دغې مسلې په اړه په عامه بحثونو کې مرسته وکړي. د غږ پورته کول مو همدومره ساده دي. نو له موږ سره یوځای شئ! په دې لینک دغه ډول یو انځور د مثال په توګه موندلی شئ. که پوښتنې یا سپارښتنې او مشورې لرئ، کولی شئ په ازادنه ډول له ما سره اړیکه هم ونیسئ. د «رابعې له لوڼو» په اړه د لا نورو مالوماتو لپاره دا وېبپاڼه وګورئ: www.freewomenwriters.org په درنښت نورجهان اکبر بنسټ ايښودونکې او مشره رابعې له لوڼو ټویټر: @FreeWomenWriter |
